حکومت نے پیٹرول کی قیمت میں بڑی کمی کردی
حکومت نے پیٹرولیم مصنوعات کی قیمتوں میں بڑی کمی کا اعلان کردیا۔ حکومت نے پیٹرول کی قیمت میں 7 روپے 54 پیسے فی لیٹر سستا کردیا جس کے بعد پیٹرول کی نئی قیمت 264 روپے 61 پیسے ہوگئی ہے۔
ڈیزل ایک روپے 48 پیسے مہنگا ہوگیا جس کے بعد ڈیزل کی فی لیٹر نئی قیمت 285 روپے 83 پیسے مقرر ہوگئی۔ واضح رہے کہ حکومت کی جانب سے ہر 15 روز میں پیٹرولیم مصنوعات کی قیمتوں میں ردوبدل کیا جاتا ہے جبکہ نئی قیمتوں کا اطلاق رات 12 بجے سے ہوگا۔ علاوہ ازیں اگست کے لیے ایل پی جی کی قیمت میں 17 روپے 74 پیسے فی کلو کمی کی گئی ہے جس کے بعد ایل پی جی کی فی کلو قیمت 215 روپے 36 پیسے ہوگئی۔ یہ پڑھیں: پیٹرول کی قیمت میں بڑی کمی کا امکان واضح رہے کہ اس سے قبل ذرائع کا کہنا تھا کہ پیٹرول اور ڈیزل کی قیمت میں کمی جبکہ مٹی کے تیل اور لائٹ ڈیزل کی قیمت بڑھنے کا امکان ہے۔ ذرائع کا کہنا تھا کہ پیٹرول 9 روپے 7 پیسے فی لیٹر سستا ہونے کا امکان ہے جبکہ ہائی اسپیڈ ڈیزل 3 روپے 73 پیسے فی لیٹر سستا ہوسکتا ہے۔ مٹی کے تیل کی قیمت میں 3 روپے 55 پیسے اور لائٹ ڈیزل 2 روپے 33 پیسے فی لیٹر مہنگا ہونے کا امکان تھا۔
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
