پاکستان ریلویز کی ریکارڈ آمدنی

پاکستان ریلویز کو 11 ماہ میں 83 ارب روپے کی ریکارڈ آمدن ہوئی ہے۔

Haziqkhuram

May 31, 2025 - 00:20

Pakistan railway income

محکمہ ریلوے میں انتظامی تبدیلیوں اور بہترین فیصلوں کے ثمرات آنے لگے ہیں۔ مسافر ٹرینوں سے 42 ارب اور مال گاڑیوں سے 29 ارب ریونیو حاصل کیا گیا ہے۔ ریلوے حکام کے مطابق پاکستان ریلوے کے دیگر ذرائع سے 12 ارب روپے کی آمدن ہوئی ہے اور مالی سال کا 88 ارب روپےکا ہدف عبور ہونے کے امکانات ہیں۔ کراچی ڈویژن نے مسافر ٹرینوں سے 13 ارب اور مال گاڑیوں سے25ارب کمائے جب کہ لاہور ڈویژن نے مسافر ٹرینوں سے 10ارب اور مال گاڑیوں سے پونے ایک ارب کمائے ہیں۔ راولپنڈی و ملتان ڈویژنز نے مسافر سیکٹر سے یکساں 4 ارب روپے کی آمدن حاصل کی ہے۔ گزشتہ سال اسی عرصے میں ریلوے کو 77 ارب کا ریونیو حاصل ہوا تھا۔ وزیر ریلوے حنیف عباسی کا کہنا ہے کہ محنت اور لگن سے ریلوے کو پاؤں پر کھڑا کریں گے۔